سيارة رينو لوجان اوتوماتيك ٢٠١٢ الشكل القديم لون رمادى غامق بحالة جيدة جدا واستخدام بيتى العربية لسة مصروف عليها شهر ٧/ ٢٠٢٦ حوالى ٥٠ الف تجديد معظم مافى السيارة ( تغيير ٤ مساعدين ومقاصات وتغيير مجموعة الكاتينة اصلى توكيل ومجموعة السير توكيل اصلى وقاعدة فتيس جديدة وقاعدة موتور جديدة وطرمبة مياه وطرمبة باور وجوان كارتيرة الزيت وبطاحات كل الحاجات وغيرها كتير فى شهر ٧/ ٢٠٢٦ يعنى لسة من شهر والعربية ممتازة بصراحة واقتصادية فى البنزين جدا وواسعة جدا عائلية لكن انا هبيع للاسف بسبب الورش بتاعت الصنايعية بتاعتها حوارات منهم كتير وللاسف ماليش طاقة وللامانة العربية مافيها الخبطة فى اسفل الباب اللى شايفنها وكنت هروح اعملها وكان تكلفتها ١٠٠٠ ج بس بصراحة سيبتها للى ياخدها يعملها والعربية اول مرة تترش من ساعة الصنع كان من ٥ سنين رش نظافة والتكليح كان جامد وللامانة الطابلوة من الشمس احترق حتة صغيرة من الفيبر تحت اسفل الزجاج يمين هتحتاج حد بتاع فيبر يعملها او تتلزق مش قصة وسبب البيع زى ماقلت الصنايعية العربية ماشية كويس الدركسيون تقل شوية قالولى طرمبة غيرت طرمبة الباور وللامانة انا جيبتها جديدة صينى لانهم قالوا افضل من الاستيراد واتعالجت بنسبة ٥٠ ٪ والدركسيون اتحسن كتير جدا جدا ولكن للامانة مش زى الاول انا بقول اللى فيها عشان اراعى ربنا والحاجة التانية العربية شغالة زى الفل وبتجرى لحد ١٣٠ كم وثبات كمان لانى عملتلها ظبط زوايا وترصيص بالكامل لك ودة سبب البيع انى ماعرفش صنايعية للاسف لانى مكنتش بتعامل معاهم طول الفترة اللى فاتت من وقت شراء السيارة .
السيارة رخصة مرور حدائق اكتوبر ورخصة شغال لحد شهر ٣ / ٢٠٢٨ المعاينة حدائق اكتوبر
انا حبيت اقول كل حاجة بصراحة ونصيحتى اللى يشترى يكون فاهم رينو كويس وزى ماقولت يعرف صنايعية محترفة واسف للاطالة
وللامانة لسة مكتشفها من خلال كذا فنى كان جالى العربية كان حصل فيها شغل من الرفرف الخلفى يمين واتردت على البارد ومش باينة خالص اللى بينها انى بتاع البوهية مادهنهاش كويس وللامانة انا مكنتش اعرف المعلومة دى لانى كنت مشتريها من المالك الاول وكان زميلنا فى الشغل الله يرحمه اما عدم شراء السيارة كان بسبب السعر لان اللى اكتشفته الناس مش عاوزة تشترى دول شكلهم تجار ولذلك من فضلكم الوسطاء يمتنعون
ملحوظة انا مشتريها من المالك الاول للسيارة
