إكسسوارات السيارات

إكسسوارات السيارات هي عبارة عن كماليات ممكن تساعد بطريقة مباشرة أو غير مباشرة في حياتك اليومية في السواقة، اتكلمنا مع «إسلام أبوبكر» من موقع hatla2ee.com عن ايه الإكسسوارات اللي ممكن الواحد يستخدمها في رحلته بالسيارة وايه هي الحاجات الضرورية  اللي لازم تبقى عندك في سيارتك.

نصيحة هامة: حاول على قد ما تقدر ما تعلقش سلسلة، فواحة سيارة أو سبحة في المرآة اللي في النص. هتفضل تخايلك وتشغلك عن الطريق وفي النهاية هتضطر تتجاهل إنك تبص على الطريق في اتجاهم.

بعض الإكسسوارات والأفكار اللي ممكن تفيدكم أثناء قيادة السيارة

منفاخ الكاوتش بالكومبريسور

احساسك هيبقي ايه لو مثلاً نازل من بيتك ورايح الشغل ولاقيت الكاوتش نايم؟

في خلال عشر دقائق (وممكن أقل) ممكن تزود هواء الكاوتش بالمنفاخ الكومبريسور ده ومش هتحتاج أنك تفك الكاوتش وتركب الاستبن والكلام ده. يُفضل أن منفاخ الكاوتش يكون من النوع اللي بيتوصل ببطارية السيارة علشان تبقى كفاءته أعلى وأسرع من اللي بيتوصلوا بولاعة السيارة.

هتلاقي المنفاخ الكومبريسور من هنا

كوريك (رافع السيارة)

ماتجبش النوع اليدوي، هات النوع اللي بيرفع السيارة بالضغط. بيسموه دائماً «التمساح» وبيسهل عليك عملية تغيير الكاوتش لو اتقطع أو فرقع.

هتلاقي الكوريك من هنا

شنطة إسعافات

ضرورية جداً لأي ظرف ممكن يحصل وبتبقى مفيدة في الطوارئ.

هتلاقي شنطة إسعافات للسيارة من هنا

ناقل الإف إم

وبيسموه ناقل مش (راديو) علشان بينقل البيانات السمعية من الفلاش ميموري للراديو (الكاسيت). من مميزاته إنك ممكن تشغل أغاني من على موبايلك عن طريق الـAUX  أو فلاش ميموري لو أنت معندكش الخاصية دي في كاسيت السيارة وبيتركب في ولاعة السيارة.

هتلاقي ناقل الإف إم من هنا

وصلة الكهرباء

مهمة جداً وبتنفع في أوقات الزنقة سواء ليك أو لغيرك، ممكن تكون مسافر فترة وسايب السيارة مركونة مدة كبيرة والبطارية تنام منك، وقتها ممكن تشوف مصدر تنعش بيه البطارية من جديد مثلاً: وصلة من سيارة تانية.

هتلاقي الكابل من هنا ، الكابل الأحمر لـ (+) و الكابل الأسود لـ (-)

مفتاح 10&12

أغلب الصواميل في السيارة بتبقى مقاس 10 و 12، لازم يبقى معاك مفاتيح علشان تعرف تتعامل في الأزمات.

هتلاقي مفتاح 10 من هنا

هتلاقي مفتاح 12 من هنا

شماسة

الشمس ممكن تتلف تابلوه السيارة عندك وتقشره بسبب تعرضه للشمس لفترة طويلة.

هتلاقي شماسة السيارة من هنا

كراسي الأطفال

خدو بالكم وأنتم سايقيين وخاصة لو معاكم أطفال، لازم كرسي الطفل يبقى موجود علشان حماية وسلامة الطفل، مكانه على الكنبة اللي في الخلف سواء خلف السواق أو الناحية التانية وتفادوا تماماً أنه يبقى في نص الكنبة علشان الفرامل المفاجئة.

هتلاقي كرسي أطفال للسيارة من هنا

كاميرا خلفية

وأنت بترجع بضهرك بالسيارة وارد جداً تخبط في حجر، رصيف أو سيارة تانية، الكاميرا دي هتخليك شايف السيارة من الخلف وتتفادى العوائق.

هتلاقي كاميرا خلفية للسيارة من هنا

مشغل DVD

طبيعي لو مسافر طريق طويل ومعاك أطفال أو حتى كبار يبقوا زهقانين، ممكن يتفرجوا على فيلم أو كارتون من خلال الـ DVD Player.

هتلاقي مشغل DVD من هنا

معطر جو

حاول تعلق معطر الجو في أي حتة غير مرآة السيارة اللي في النص.

هتلاقي معطر جو للسيارة من هنا

حامل الموبايل

ضرورية جداً علشان تتبع الطريق عن طريق الـ GPS وبتشيل عنك مسؤولية أنك تفضل ماسك الموبايل في إيدك وأنت سايق.

هتلاقي حامل الموبايل من هنا

نتمنى لكم قيادة آمنة ومسلية.