بيع سيارتي

نصيحة بخصوص شراء سيارة

2018-04-23    12:17 AM
Ahmed Menam
السلام عليكم اخوانى الافاضل
كنت بحاجة لمساعدتكم فى شراء سيارة مستعملة فى حدود من25000 ل 35000 ألف جنيه
المشكلة ان فى موديلات كتير فى السعر ده وناس تنصحنى انا ادور على موديل جديد قدر الأمكان وناس تانى تقولى الماركة أهم ده غير إختلاف الأراء بخصوص العربية الواحدة زى الرينو الداتشا مثلا ناس تشكرلى فيها وناس تانية تقول اركب عجلة أحسن و انا خبرتى قليلة فى الموضوع ده فكنت عايز مساعدتك بخصوص ايه افضل حاجة فى الموديلات دى طبعا انا عارف إن الأساس هو الحالة بتاعت العربية لما تعاينها بس على فرض إن كلهم حالتهم كويسة و توافر قطع الغيار لأن أنا شغلى 12 ساعة فى اليوم فعايز حاجة لما أعوز أصلحها تكون ناس كتير بتشتغل او ادور على قطع غيار تكون سعرها معقول ومتوفرة لأن انا فى البحر الأحمر مش القاهرة ده غير إختلاف السعر الكبير للسيارة الواحدة ونفس السنة رغم نظريا قدامى كشكل خارجى مش شايف فرق شاسع

دى الموديلات اللى أنا محتار فيها ياريت لو أى حد عنده خبرة فى أى موديل فيهم يفيدنى بالمميزات والعيوب بتاعته

Suzuki Swift 94
Reno datcia nova 98
Reno 9 86
Reno optima 97
Rangler 78
Ibiza 93
Civic 83
Mercedes 200 73
Lancer 84
Mazda 323 82
Bmw e21 79
Bmw 316 78
Daihatsu charade 91
Skoda favorte 94
Pasat 83
Golf 1 79
Jeta 80
Racer 94
لو هضيق الأختيار على حسب اللى سمعته من زمايلى
هيبقوا السويفت و إبيزا والمرسيدس 200 والمازدا 323 والبى إم 316 والسكودا و الجولف

و أسف جدا على الإطالة بس أنا فعلا محتار
و شكرا لكم



hatla2ee app هتلاقي أسرع على تطبيق الهاتف، حمله الأن! android cloud_download
hatla2ee app هتلاقي أسرع على تطبيق هاتف أيفون، حمله الأن! phone_iphone