مقارنه صعبه

2011-11-29 09:06 PM

WalidAdel

معايا نيسان صني 2008 و عايز اكبر
العربيه موتورها كويس اوي عفشه ناشفه شويه كراسي ناشفه وانا بسوق كتير فعايز حاجه مريحه اوي
الاختبارات بين سوناتا 2008 او فيكترا 2008 او زلموكه 94 حاله نضيفه اوي
عايز عربيه موتور حلو اداء علي الطريق كويس ثبات كويس علشان انا بجري و تكون مريحه كراسي و عفشه مش ناشفه
ممكن كرولا 2010 بردوا و بلاش اوكتافيا منتشره جدا هيا و الكرولا علشان كده حاططهم اخر الاختيارات
حد يقدر يفيدني و يكون معاه عربيه من العربيات دي يكلمني عنها لو سمحتوا

abdelrahman

2011-12-01
08:23 AM

بص يا وليد انا هبعتلك كذا لينك بتاع العربيات اللى عاوزه وانا من راى هات اوبل فيكترا افضل

ده لينك هيواندى سوناتا
http://eg.hatla2ee.com/ar/car/search?make=12&model=157&city=0&priceMin=&priceMax=

وده لينك اوبل فيكترا
http://eg.hatla2ee.com/ar/car/search?make=22&model=47&city=0&priceMin=&priceMax=

اتفرج وقولى ايه رايك

mohamed hamza

2011-12-01
08:54 AM

اشترى طبعا اوبل فكترا مريحه جدا وبتجرى كويس وثابته على الارض

عبدالرحمن رفعت

2011-12-01
11:01 AM

على فكره الكرولا كويسه وعفشتها مش نشفه والصالون واسع مش وحشه وهيواندى سوناتا مش بطاله بردوه بس انتا ايه اكتر حاجه عجباك

احمد طارق

2011-12-01
11:46 AM

اشترى فيكترا يتجرى كويس جدا

silverlite

2011-12-02
11:53 AM

السوناتا باشا ! بس متفكرش فى البيع بدون خساره لان العربيات دى مش واخده حقها فى البيع وممكن تلاقى واحده بسعر لقطه -بالذات الايام دى !

WalidAdel

2011-12-04
04:32 PM

استاذ abdelrahman اللينكات مش شغاله للاسف

استاذ عبدالرحمن رفعت التويوتا جميله ماشاء الله بس خفيفه حبتين و في ناس بتشتكي من الاستابيلتي بتاعتها و بيقولوا الياباني منها مختلفه تماما بس للاسف ليسه ماسوقتهاش بس انا نفسي في عفشه زي الكورولا دي ناعمه و عاليه عن الارض ماتحسش ان العفشه بتاعتها مكبوسه علاشن تديك استابيلتي

استاذ mohamed hamza , احمد طارق الاوبل فيكترا عربيه تحفه ماشاء الله عليها و تقريبا هيا دي ان شاء الله بنسبه كبيره

استاذ silverlite للاسف مش عارف ليه السوناتا قليلة البيع و مش بتلاقيها كتير و لو لاقيت واحده هتلاقي صالونها متبهدل او حاجه

انا ان شاء الله ناوي علي حاجات كتير بس الحاله هيا اللي هاتحكمني ساعتها لاني بدور علي صالون جدييييييييييد و اي حاجه بعد كده سهله

بفكر في مرسيدس C180 موديل 2000 بلاقي العربيه دي بالذات حالتها كويسه جدا لانها مش منتشره اوي و الناس مش بتشتري وتبيع فيها كتير فبتلاقيها مع تاني او تالت مالك بالكتير من سنة الصنع و صالونها بيكون محترم
في الفيكترا في البيجوا ال 406 2004 بردوا عربيات تحفه و ركبتهم بردوا

حد يعرف معلومات عن ال سي 180 او البيجوا ال 406

شكرا جدا لكل الردود

WalidAdel

2011-12-04
04:36 PM

انا عايز حاجه معمره مايبانش عليها انها عدي عليها سنين كتير الفيكترا كده ال 2008 تحس انها مستهلكه و الفوانيس مصفره مش عارف ليه و السوناتا بردوا الا اذا هاتاخدها من واحد مهتم بيها اوي
موديل 2010 دي حلوه اوي بس ربنا يسهل و الاقي واحده ساعتها لاني ناوي ان شاء الله علي اول السنه
الفكره مش في اعادة البيع لاني لما جيبت الصني ماهتمتش و ايامها مكنتش منتشره خالص علي سمعه التقفيل المصري و كده
انا محتاج حاجه اسوق 6-7 ساعات ماتعبش ليس اكثر

muhamed

2011-12-05
09:38 AM

السوناتا بجد ومش هاتندم ؟؟ بس ربنا يكرمك وتلاقى عربيه حالتها كويسه

WalidAdel

2011-12-06
01:34 AM

فعلا هيا دي المشلكه لذلك انا بدور علي حاله الاول قبل مابدور علي النوع لان كل عربيه فيها الكويس و فيها الوحش
شكرا لرد حضرتك

yahya maher

2011-12-06
11:54 AM

ادخل هتلاقى على فكره سوناتا كتير هنا مستعملة وفى حلجلت معقوله

WalidAdel

2011-12-12
11:43 PM

ربنا يسهل ان شاء الله و شكرا لكل الردود

بس محدش قال رايه في السي 180 مرسيدس او البيجو ال 406
انا عايز حد راكبهم يقولي ايه اخبارهم في العفشه لاني مش عايز اي عربيه كوري
لانها هاتقعد مده و بعدين مستخسر ادفع 130 الف في عربيه كوري بردوا
فعايز حاجه محترمه و تعيش زي الالماني

silverlite

2011-12-13
02:06 AM

المرسيدس -يبقى جبت من الاخر ! و الكاش ده يركبك 200 موديل 94 او سى 180 موديل 2000 او 99 وطبعا الاتنين عربيه محترمه بس تكون نمره 1 - وممكن بى ام - الفئه الخامسه لغايه موديل 2002 - وسيبك من اللى يقولك مصاريف .. لان العربيات دى ممكن تصرف بس كل وقت طوووووووووووووويل جدا- لان قطع غيارها معمره جدا-تحيـــــــــــــــاتى

WalidAdel

2011-12-14
12:02 AM

تماااااااام كده و ده اللي في دماغي فعلا
بس مشكلة البي ام بقي معايا عفشتها ناشفه شويه و قطع الغيار غاليه اوي بقي سواء الل Running cost بتاعها من صيانات و عفشه و فوانيس و كده فانا بيني و بين حضرتك واقف عند المرسيدس السي موديل 2000 اهي هاتبقي فايقه و ماشيه قليل

silverlite

2011-12-14
03:28 AM

فى عربيه c180موديل 94 ماشيه حاجه و تمانين الف- يعنى جديده !- ومطلوب فيها 90 الف- لون ابيض تلجى وشكلها سلييييييييييييييييييييييم

mostafa adel

2012-03-06
01:00 PM

[b]ان شاء الله يا شباب تكونوا استفدتوا من الموضوع الجميل ده[/b]

تيمر

2013-06-07
06:18 PM

بالنسبة 406 بيجو
لازم تكون بعد 2004 عشان المشكلة الوحيدة فيها هى الفتس
ولاكن احققان للحق عربية كويســــــــــــــــــــــــــــــة جدا وبرستيش واستبلتى على الطريق ومريحة ..................عد كتير؟
وشكرا

مقارنه صعبه

أخر أخبار السيارات

بع سيارتك