عايز عربية

انا طالب رأيكوا فى موضوع كأخ ليكوا يعنى انا معاية مبلغ 45 الف عايز اجيب بيهم عربية بس محتار مش عارف اجيب ايه وانا دلوقتى حاطط شروط للعربية دى بس كل ما ابحث الاقى العربية فيها عيب او الاقى الناس كلها بتتكلم عكس بعض انا عايز مساعدة او نصيحة فى اختيارا العربية والشروط اللى انا حاطتها كالاتى


اولا لازم تكون شبابية وشكلها حلو ومش صغيرة


ثانيا يكون محركها قوى وكويس واقدر ابدله بواحد افضل منه


ثالثا لازم تكون قطع غيارها متوفرة ومش غالية


رابعا ماتكنش قديمة اوى يعنى مش اقل من95 الا اذا كانت بى ام دابليو


خامسا ماتكونش صينى انا عايز حاجة اوروبية او امريكية


والمهم يكون التكييف شغال وماتكونش اقل من 1600 سى سى ولو 1300 وممكن احط مكانه 1800 شغال بس انا محتار ومن العربيات اللى احترت بينها


بى ام دابليو 316 موديل تمانينات او اوائل التسعينات - فولكس جولف - فولكس بولو - شاهين موديل 2006 - تويوتا كرولا تسعينات - حاجات كتير وكل عربية فيها ميزة وكل عربية فيها عيب