عايز عربية مستعملة ومحتار بين كذا واحدة

انا عايز اجيب عربية مستعملة فى حدود 45 الف وانا مش عارف اجيب ايه بالظبط اناشاب ويهمنى شكل العربية وقوة المحرك وقدرته الحصانية وكام سى سى فقولت اى عربية اجيبها هغير الماتور بتاعها بماتور افضل بس طبعا لما يبقى عربية 1000 سى سى ماينفعش احطلها 1800 بس لو قدامى 1600 ممكن احطلها 2000 عشان كدة محتار وكل شوية اغير رأيى لعربية تانى


العربيات اللى فكرت فيها من الاولوية


بى ام دابليو 316 موديل تمانينات ودى عيبها الوحيد موديلها وشكلها قدام اوى

2- فولكس جولف 2 موديل 94-98 ودى غالية وشكلها بردوا مش عاجبنى بس حلوة وماتورها عالى ممكن اغيره لأعلى اكتر


3- فولكس بولو ودى عاجبنى شكلها شوية اكتر من الجولف ودى هتكون موديل 2001 يعنى ارخص من الجولف بس ماتورها ضعيف


4- شاهين موديل 2006 ودى عشان دفع خلفى بس بردوا مش عارف اقصى ماتور اركبهولها كام وشكل العداد بتاعها مش عاجبنى


5- كيا ريو موديل 2004 وماتورها 1500 تقريبا ممكن اعليه واهى حديثة


عذرا للإطالة بس انا محتار ومفيش خبير يفيدنى ونان مش بقعد مع ميكانيكية خالص فأرجوا افادتكوا ولو سمحتوا ممكن تقولولى على قوة المحرك الاصلى اللى العربية نازلة بيه لكل واحدة وانهى عربية اقدر احط فيها اعلى ماتور انا شايف انها البى ام بس مش هايبقى غالى ؟ وشكرا