سياره بونتو موديل 1994

السلام عليكم ورحمة الله وبركاته
انا اشتريت سياره فيات بونتو موديل 1994 من شهرين اتنين بس , واللى اشتريتها منه قالى انه مره شطبت منه بنزين وهو ماشى فحطلها بنزين 80 ومن ساعتها العربيه بتيجى فوقت معين بعد الدواره والمشى تقوم منتشه ومبطله وانه غير طلمبة البنزين ولسه الموضوع زى مهو ..
العيب بالتفصيل : العربيه بتدور زى الفل وبتمشى كويس اوى مفيش مشاكل وفجاه اجى ادوس على دواسة البنزين احس ان العربيه مش واصلها بنزين خالص وتروح مبطله تماما ده لو ماشى على غيرات بطيئه ولو ماشى على الرابع او الخامس متبطلش بس حتى لو دوست على دواسة البنزين للخر العربيه متسحبش خااااااااااالص كان مفيش بنزين رايحلها .. المهم انها بتتعدل تانى بعدها بخمس او عشر دقايق مش اكتر .. انا علشان اعالج العيب ده غير ان اللى مشتريها منه مغير طلمبة البنزين انا غيرت فلتر البنزين . فلتر هواء . طقم بوجيهات , طقم سيور كامل , حل وتنظيف جميع الرشاشات والحساسات وبوابة الانجيكشن , ظبط تقسيمة الكهرباء , وضعها على جهاز كشف اخطاء الكنترول وتصحيح اخطاءه , تغيير فيشة كهرباء طلمبة البنزين وفيشة كهرباء الكنترول , تغيير حساس الشكمان , تغيير حساس البنزين
كللللللللل ده والعربيه لسه فيها نفس العيب وصرفت عليها كتير ومش قادر اوصل لحل والاهم من ده ان هيا مش ممكن تعمل العيب ده قدام اى ميكانيكى او كهربائى لان هيا مش بتعمل كده غير فالمسافات الطويله بس فكله بيفتى عليا طبعا
انا زهقت ومش عارف اعمل ايه فياريت لو حد عنده حل او اقتراح يقولى عليه
وجزاكم الله خيرا
محمود العنانى