تقرير عن الرينو كليو 1200موديل 2003

2016-01-27 06:38 PM

بسم الله الرحمن الرحيم
اولا احب اوصل سلامى لكل اللى موجود فى المنتدى
ثانيا حبيت اعمل الموضوع ده علشان شايف وجهات نظر متفاوته بخصوص العربية ( الكليو )
العربية بقالها معايا سنه ونص . ما شاء الله عليها عربية فوق الممتازة طول مانتا بتراعيها
بالنسبة لقطع الغيار والتوكيل هيا اه ممكن تكون غاليه حبتيين عن الانوس مثلا بس بتعمر والتوكيل عندنا فى طنطا ناس محترمين وميه ميه
اول ماشتريت العربية ماغيرتش اى حاجه فيها غير تغيير الزيت وفلتر الزيت
بعد 3000 كيلو غيرت حساس الكرانك وحساس الشكمان
بالنسبة للسحب ما شاء الله سحبها ممتاز وانصح اى حد حابب يشتريها يداوم على تغيير فلتر البنزين كل 15000 كيلو هيحس بفرق شاسع . بالنسبة لستهلاك البنزين بتاخد 14 لتر فى 140 كيلو . بس انصح بشراء قطع غيار اصليه ( فرنساوى ) لإن فيه صينى وايطالى وفرنسى وبيبقى فيه فرق كبير فى السعر بس الفرنسى لا يعلى عليه صوتها ناعم وثبات جيد جدا
طبعا لو هتقارنها باللانوس انا افضل الكليو لإنى ركبت الإتنين .
بالنسبة لمشاكلها : هيا المشكلة الوحيدة اللى قابلتنى فيها ان صالونها ضيق حبتين يعنى تاخد 4 والخامس بالعافيه . انما كقطع غيار انا شايفها عادية بالنسبة لعربية فرنساوى
للأسف معظم المصريين بيبصولها على انها حاجه تعبانه . بس اللى جربها اكيد شكر فيها

واسف للإطاله