اى حد عايز يستفسر عن اى سيارة

هل يوجد لديكم فروع اخرى غير اكتوبر وشكرا على جميع النصائح والخبرات لدى السيارات ونتمنى المزيد

ياسيدى الفاضل نحن معرض سيارات مستعملة وكسر الزيرو / كاش لايوجد تقسيط

[color=#888888]السلام عليكم[/color]

[color=#888888]
كنت عايز استفسر عن لو معايا 75000 الف مقدم وعايز اقيسط 10 او 15 واجيب لانسر مستعمله[/color]

للاسف لايوجد تقسيط

طب انا كنت بستفسر عن فولكس فاجن باراتي موديل 2006 اتوماتك اخبارها اية العربية دي حلوة ولا اية

يعنى ايه حلوه ويعنى ايه كويسة / اهم حاجة انت بتقارنها بأيه عشان المسألة تبقى صح مافيش عربية وحشة اوعى تنفكر ان الخواجة صنع عربية وحشة
المشكلة فينا احنا عايزين نركب احدث حاجة وقطع غيار رخيصة ومتوافرة وببلاش
طبعا كل حاجة وليها سعرها يعنى تقريبا سعرها فى سعر الدايو النوبيرا الاوتوماتيك بس قطع غيارها غالية ومش متوفرة زى النوبيرا ومش اى حد يشتغل فيها

كفاية انها المانى حلوة طبعا بس قطع الغيار اكييد غالية زى ما استاذ kholyo بيقول

على فكرة يأستاذ على الفولكس الباراتى برازيلى
خالد السعودى معرض المدينة /6 اكتوبر

بس انا اعرف انها المانى مش برازيلى الفولكس فاجن ممكن تفسير اكتر

فعلا ناس كتير قالت انها برازيلي عشادن كده كنت بستفسر عنها من حضرتك

استاذنا العزيز فى بعض مصانع مفتوحة فى مدن كثيرة لكنها تحمل الاسم الام
مثلا الرينو اللوجان مش فرنساوى رغم ان اسم رينو فرنسى لكن منتج اللوجان مغربى
الفورد امريكى لكن المونديو والفوكاس والاسكورت موديلات المانى
وفى اسكورت روسى / والفيستا اسبانى وكلها موديلات فورد تحمل اسم لقب الشركة الام
وحاجات ثانية كثير وانا تحت امركم

مشكووووور على المعلومات الصحيحة دى

لاعضاء المنتدى الكرام
اى استفسار عن اى سيارة
اى استفسار عن اوراق السيارة
اى استفسار عن اعطال السيارة
ان تحت امركم
خالد السعودى معرض المدينة / 6 اكتوبر

او على البريد الالكترونى
[url href=mailto:elsoodyk@yahoo.com]elsoodyk@yahoo.com[/url]

السلام عليكم ورحمه الله انا بسال عن السياره الدابو ليوجانزا هل سياره اقتصاديه ومريحه وقويه ام ماذا على العلم ان سعرها كويس ودا المبلغ اللى متوافر معايا يعنى ممكن اجيب دايو ليوجانزا وهل هى احسن ام النوبيرا ارجو التوضيح والنصيحه مع العلم ان المبلغ اللى معايا فى حدود 45000 جنيه وعاوز اجيب عربيه مستعمله وتعيش وشكرا

اهلا بيك / طبعا الدايو اليجانزا افضل من النوبيرا

اولا الحجم اكبر / وقوة الموتور احسن / السعة اللترية اكبر / الكماليات احلى بكثير وخصوصا ال 2200 CC

عندك 3 انواع منها ال 1600 / 2000 المانوال

و2000 / 2200 الاتوماتيك

كفاية التكييف التاتش والكراسى الكهرباء / ونور الشماسى والاعتاب / وكراسى الجلد الطبيعى / وفخامة التابلوه الابنوس

اما فى اعادة البيع ضعيفة شوية لان شعبنا المنتشر عنده اللانوس والنوبيرا

[b]مشكور خوليو ع النصيحه طيب النوبيرا كويسه وماشى حالها ولا الفورد مونديو موديل 98 و 99 وتنصحنى بسياره مستعمله اى نوع وشكرا[/b]

الفورد المونديو افضل من النوبيرا بكثير وياسلام لو جبيت المونديو الجيا على فكرة موتورد المونديو مش غالى حدود 3500/4000 جنيه وممتاز والعربية راسية على الارض وكماليتها روعة ومتينة ( بس نيجى فى مصر ) عملية اعادة البيع النوبيرا اسرع


خالد السعودى معرض المدينة / 6 اكتوبر

01222886657

01111821717

معايا مبلغ في حدود 30-35 الف ....ومش عارف اختار عربية نضيفة ومستعملة ونصحت برينو كليو 2003-2005 او فيات سينا ...ممكن نصيحة حضرتك...للعلم انا عاوز سيارة اسرية واروح واجي بيها الشغل بس...ياريت تفيدني

معايا مبلغ في حدود 30-35 الف ....ومش عارف اختار عربية نضيفة ومستعملة ونصحت برينو كليو 2003-2005 او فيات سينا ...ممكن نصيحة حضرتك...للعلم انا عاوز سيارة اسرية واروح واجي بيها الشغل بس...ياريت تفيدني

[color=#ff00ff][i][b] يا حبايبي
صاحبي عندة دايو لانوس 2007 فول اوبشن ماشية 50 الف كوري ايه رايكم بيبعها لي ب 50 هو اريها ب 56 من سنتين حلوة
تحياتي fawaz[/b][/i][/color]

استاذ حسام / قدامى هيوانداى اكسيل مو 98 / 1500 CC جميع الكماليات ماانوال اللون فاروزى ملاكى القاهرة رخصة سارية ب 35 الف جنيه مش محتاجة اى حاجة .

استاذ فواز / مساء الانوار شكلك كده راجعت نفسك فى الموضوع اللى كنا بنتكلم فيه عموما لو العربية اساسياتها سليمة وفول اوبشن توكل على الله . وترجع بألف سلامة وعلى لقاء ان شاء الله

خالد السعودى معرض المدينة / 6 اكتوبر

01111821717

01222886657

[color=#ff0000]هههههه مهو انت كسر مجاديف استاذ خالد
انت قلت لي متستعجلش اعمل ايه

اليوم صاحبي كلمني في موضوع سيارته وبيشكر فيها وبعدين مش فاهم اساستها حلوة يعني ايه ولا نخلينا في الفيرنا وناجرها وخلاص
[/color]

لا انا ماكسرتش مجاديفك لا سمح الله

انا اللى قصدته قلت لك لما تنزل ان شاء الله نشوف تعمل ايه / انت قلت انك عندك محل ونازل مصر ان شاء الله وتستقر كويس انت عايز تجيب عربية وتأجرها ليه

وفى الاخر مش هاتركبها الا بعد انقضاء عقد الايجار / الغرض ايه من الايجار الاستفادة ايه

ثانيا الدايو لانوس 2007 ماينفعش تأجرها علشان قديمة زى ماقلتلك شركات البترول عايزه 2012/ 2013

لازم تفحص العربية كويس اساسيات وقوايم وحوض وشنطة وسقف / لان احتمال احتمال!!!!!!! صاحبك خدها السنة اللى فاتت وفيها حاجة فى الاساسيات

وهو مايعرفش عموما خد معاك مختص يشوف العربية وتوكل على الله

اشكرك على الموضوع الرائع
معايا ميزانية 70000
عايز الالنترا 2007 كليوات قليلة و حالة عامة كويسة
هل حدود الميزانية معقول
و ايه الاختيارات الخرى المتاحة خارج الالماني و الريوتون و الياباني عشان قطع الغيار
و شكرا

اى رايك فى عربية رينو ميجان

السلام عليكم


معروض عليه تمبرا مستعملة مركونه بقالها فترة الصاج تقريبا كله محتاج توضيب الاساسيات سليمة موديل 96 معروضة عليه ب 20 الف جنيه مش عارف هل لو جبتها وصرفت عليها يكون احسن ولا اجيب واحده خلصانه

استاذ اشرف
موديل كام و ايه تفاصيلها
بسمسع عن مشاكل ف الاتوماتيك بتاعها
و قطع الغيار مشكلة بصفة عامة ف الرينو
بصراحة انا عايز اجيب لانسر او الالنترا

توكيل على الله يا باشا سعر حلو بس بردو اكشف عليها

السلام عليكم

عايزه اشترى سياره لا تتعدى 40 الف وتكون قويه و قطع غيارها متوفره ورخيصه وسهله فى حاله البيع

وكمان مش عارفه الافضل المنوال ولا الاتومتياك

وفتحت الموقع وجدت انواع كتيررررر جداا بس للاسف مش عارفه عنهم حاجه ولا افرق بينهم

ممكن تسعدونى فى البحث

جزاكم الله عنى خيرا

عايز رأيكم فى الهيونداى اكسيل من حيث قطع الغيار والثبات على الطريق واستهلاكها فى البنزين وكل شى عنها وهى ولا الاكنت موديل 2001 او2002 وارجو من سيادتكم الرد

السلام عليكم ورحمه الله وبركاته


ارجو من حضرتكم الافاده ماهو الافضل والاحسن من حيث القوه والمتانه والصيانه وقطع الغيار ولستحمال السفر مسافات طويله


الرينو كليو 2003 ولا اللانوس 2002 وطبعا السياره مستعمله


ارجو الرد للاهميه


ولكم جزيل الشكر

اساتذ [color=#ff0000][b]سمير محمد عبد الهادى[/b][/color] انا بحب صراحة الاكسنت وبالزات الموديل اللى حضرتك قولت عليهم بصراحة ممتازين جداا وعربية ماشاء الله عمليه جداااا بس الاكسيل عربية ممتازة جدا بردو

استاذ [color=#ff0000][b]king2000[/b][/color] اللانوس احلى من وجهة نظرى بس مشكلة الدايو اللانس مبقتش زى الاول قولنا انت معاك كام وياريت فى موضوع جديد عشان الرد يكون مباشر لحضرتك واحنا نساعدك ان شاء الله

سلام عليكم ورحمه اللله

انا من شهرين كده اشتريت كيا ريو 2003 وماشيه معايا تمام بس طبعا شهرين غير كافي عشان اعرف عيوب الريو عامله وحاليا محتاجه عربيه اخري بنفس السعر 04 الف الي 43 الف حد اقصي واصدار حديث يعني 2003 فاعلي ومحتاره هل الريو كويسه اككرها تاني ولا اجيب رينو كليو ولا تنصحوني بايه ؟؟

[color=#505050; font-family: DroidArabicNaskh, Verdana, Arial, sans-serif; font-size: 15px; line-height: 21px; text-align: justify]ارجو من حضرتكم الافاده ماهو الافضل والاحسن من حيث القوه والمتانه والصيانه وقطع الغيار ولستحمال السفر مسافات طويله[/color][color=#505050; font-family: DroidArabicNaskh, Verdana, Arial, sans-serif; font-size: 15px; line-height: 21px; text-align: justify]الرينو كليو 2003 ولا اللانوس 2002 وطبعا السياره مستعمله[/color]


وارجو الرد للاهميه ياريت تقولي افضل سياره في حدود 35000 الي 38000


وشكرا لرد حضرتك[color=#505050; font-family: DroidArabicNaskh, Verdana, Arial, sans-serif; font-size: 15px; line-height: 21px; text-align: justify]ارجو الرد للاهميه[/color]

شكرا لكم...هل الكشف الشامل فى مكاان مختص مع اعطاء تقرير يكفى ويكون صاادق ام لا؟

ياجماعة .. ان عايز اشتري كورولا 2014 زيرو .. بس عايز اعرف عند اعادة البيع العربية دي مطلوبة ولا لا .. وقطع غيارها عاملة اية من حيث الاسعار ومدي توافرها وهل هي احسن او في خيارات تاني المبلغ الي معايا 187000 ارجو الرد

حلوة ومطلووبة طبعا الكورولا عربية نضيفة جداا

دى اسعار 2014



http://eg.hatla2ee.com/ar/car/toyota/corolla/year/2014

يا جماعة الخير أريد رأيكم في الالنترا 2005 اتوماتيك وهل العربية تستاهل 75 الف لو حالتها حلوة بس رشة بره بس

توكل على الله

الف شكر يا أستاذ خالد على الرد جزاكم الله خيرا

اكشف عليها كويس / نحن نقدم خدمة الكشف على السيارة ونقوم بتسعيرها
150 جنيه داخل 6 اكتوبر
مع تحيات / خالد السعودى
01222886657
01111821717

استاذ خالد ايه رايك فى الماروتى وهلى عندك كسر زيرو وبكام

عربيتى سبرانزا 516 موديل 2012 والعداد عامل 15 ألف وحالتها كالزيرو تعمل فى حدود كام

50 / 52 الف جنيه حسب الحالة والخدوش واللون

عاوز اعرف ايه راى ضرتك فى التريوس 4×4 وهل 50000 يجيبو سياره كويسه ومديل ايه

انا عندى سياره رينو اسبيس مو 2002 وعاوزه اعرف سعرها كام حاليا ...
اللى عنده علم ياريت يفيدنى

ابو هيبة / التريوس عربية جيب كويسة / يابانى وال 50 الف يجيبو عربية كويسة من 99 / 2002 حسب الحالة والكماليات
سما متولى / ماعرفش نوع الرينو ده ايه ( رينو اسبيس ) اول مرة اسمع عنه

للبيع جيلى باندينو (باندا) 2014 مانيوال عاملة 800كيلومتر وفابريكة بره وجوه ولونها فضى 1300 سى سى وتكييف تلاجة وزجاج امامى كهربه وباور ورخصتها ساريه لاخر 2017 للاستعلام تليفون 01275448934

good night sair give me your advice about brilliance car modail crous or fsv automatic

يعنى ايه ده

من فضلك عايز اعرف فى عندك عربيه هونداى فيرنا تاكسى
وحلتها ايه زيرو والا وعامله كاهم وشكرا

عفوا / مابشتغلش فى التاكسى

مساء الخير خالد باشا .. اشكرك علي حسن تعاونك مع الاعضاء .. عندي دايو لانوس اتوماتيك 99 .. وعايز اركب موديل اعلا شويه .. ويكون فتيس اتوماتيك برضه .. المتوفر حوالي 10 الاف جنيه .. ايه رايك في الفيرنا اتوماتيك ولا لانسر مكوه ؟؟؟ او تنصحني بايه .. في انتظار ردك .. ورقمي 01000666271

استاذ خالد السلام عليكم

لو سمحت انا محتار بين بيجو 406 او دايو نوبيرا او ابل استر المبلغ الموجود معايا 50000 جنية
ياريت تنصحني بعربية قوية وتسافر وتستحمل طرق مصر على العلم انا من سكان الفيوم