انا محتاااااااااااااااااااااااااااار

السلام عليكم يا جماعة

يا ريت حد يساعدني عشان انا محتار جدااااااا بين 3 عربيات كل واحدة ليها مميزاتها عن التانية و ليها عيوبها عن التانية و مش عارف اختار مع العلم اني ناوي اغيرها بعد 5 سنين من دلوقتي ان شاء الله


[color=#ff0000]الاولي : اوبل كورسا هاتشباك F/O A/T ( سعرها 145000 جنيه مصري )[/color]

طبعا الالماني ملوش حل و احسن ماتور 1400 سي سي - 100 حصان و ثبات على الارض بس مشكلته اسعار قطع الغيار عالية + الكورسا سعرها لما اجي ابيعها هيكون صعب


[color=#ff0000]الثانية : تيوتا ياريس هاتشباك الفقة الثاتية بازيك لاين( سعرها 140000 جنيه مصري )[/color]

طبعا ياباني 1300 سي سي - 99 حصان و قطع الغيار متوفرة و اسعارها مش غالية اوي ( مع العلم بأني لسه بشتغل جديد و مرتبي مش يعتبر كبير ) و سوقها كويس في مصر لما اجي اغيرها بعد الخمس سنين بس ثباتها مش زي الكورسا طبعا بس كمالياتها اكتر و اشيك من وجهة نظري


[color=#ff0000]الثالثة : بيجو 301 A/T F/O هاي لاين ( سعرها 140000 جنيه مصري )[/color]

كنت مستقر عليها بقالي فترة لحد ما شوفت الياريس و الكورسا و هي 1600 سي سي - 115 حصان و كنت هخلص فيها لولا اني عرفت حاجة النهاردة ان البيجو صعب في البيع بعد كدة و سوفه في مصر مش زي الياباني و الالماني و ممكن اخسر مش اقل من 40% من ثمن العربية و ديه بالنسبة لي كارثة يعني غير ان كمان عرفت ان ساعات قطع الغيار مابتبقاش متوفرة دايما في مراكز الصيانة و ممكن استنى على قطعة الغيار شهر او اتنين

انا عموما بحب اجري بالعربية و طريق شغلي سريع في معظمه ( طريق السويس + الدائري ) مش عارف اختار بين التلاتة دول ياريت حد يساعدني و شكرااااا