انا اشتريت نوبيرا 2003 من يومين ولكن ؟

2013-03-14 04:07 AM

محمد حشمت

[b]انا اشتريت نوبيرا 2003 من يومين العربية انا معجب بيها وعملت الصيانة المطلوبة فى شراء المستعمل زى عيرت بوجيهات وفلتر بنزين وفلتر الهوا[/b]

[b][/b]وسير الكاتينة وكمان اختبرنها على الجهاذ والكمبيوتر وقالى ان كل حساستها سليمة والمكنة مظبوطة ولكن فة مشكلتين محيرنى

اولا العربية بتأخر فى الدوارة بس الصبح بدور على طول وكمان استهلاك البنزين عالى فما السبب وشكرا [img]/images/emotions/smiley-foot-in-mouth.gif[/img]

abdelrahman

2013-03-14
10:32 AM

انت ممكن تكون سواقتك عنيفة بتدوس على البنزين جامد او لو التكييف شغال بردو بيسحب جامد من استهلاك البنزين

بالنسبة للدوراة ممكن يكون البطارية ضعيفة اكشف عليها واتاكد

اشرف ذكى

2013-03-14
11:02 AM

[b]اكشف على الكربؤاتير لانه ممكن يكون عايز يتظبط بس انت بتقول انت مغير فلتر البنزين والبوجيهات طب يبقى من الكربراتير[/b]

محمد حشمت

2013-03-14
11:23 PM

شكرا على المتابعة ولكن السيارة بتأخر فى الدوارة فى كل الاوقا ذى الصبح وحتى لو دايرة وبطلتها وجيت ادور تانى بتأخر

بالنسبة لرد الاخ اشرف ذكى انا اعرف ان العربيات دى مش كاربراتير دى انجكشن حقن رشاشات فما الحل وشكرا

محمد عادل 2010

2013-03-15
03:15 AM

بص يا باشا المشكلة دي في كتير من النوبيرا 90 في المية هية محتاجة رشاشات ودي بيعمل مشكلة الدوارة والاستهلاك العالي للبنزين لان الرشاش بيسيل بمعني بيطلع بنزين كتير روح لواح شغال دايو بس حياكد لك الكلام واكيد حتلاقي عندة طقم رشاشات جرب بية العربية لو تمام اشتري رشاشات ل

محمد حشمت

2013-03-17
02:01 AM

شكرا محمد عادل كتير على الاهتمام بالرد ولكن ليا سؤال اخر العربية بترعش فى الطلعة ولما بديها الغيار الاول احيانا بيعاكس معيا ده ممكن يكون فيها اسطوانة وحشة ؟ وشكرا

اوبترا

2013-03-17
05:38 AM

عاشق النوبيراا : من الاخر غير الرشاشات وركب راشاشات الفيرنا 1500cc هتوفر معاك فى البنزين ومش هتأثر على سحب العربيه ...ثانيا لاززم تغير ديسك واسطوانه.... واى استفسار فى النوبيرا اسألنى أنا

محمد حشمت

2013-03-18
01:01 AM

مشكور اخوانى واساتذتى فى عالم السيارات انا غيرت النهاردة حساس شكمان ورشاشات والميكانيكى خلانى جيبت رشاشات هيونداى 2 بخة وظبط العربية وقالى كدة مش هتاكل بنزين وانا بجرب ولكن حاسس ان فعلا المشكلة اتحلت ولكن لسة الرجة والرعشة موجودة قالى الميكانيكى راجع العفشة ولو فى حاجة نشفها بعد العفشة ايه رأيكم لو فيه حاجة مطلوب اعملها افيدونى افادكم الله وشكراااااااا

اوبترا

2013-03-18
02:49 AM

فى طقم جلب امامى لازم يتغير تقريبا تمنه 100 جم