في مصر ستيلفيو ولا جوليا ؟

انا نفسي اجيب ألفا روميو عشان ادائها بالنسبة لي مفيش زيه كتجربة قيادة (مش شرط السرعة بس) بس بشوف معظم اللي بيجيبوا عربيات سيدان عادية زي سياز او تيبو او اوكتافيا و كله. العربية بتتبهدل من العتب و بتتجرح من المطبات و بيحصل استطدامات قوية بالمطبات و البلاعات في بلدنا الجميلة و انا ساكن في حدايق الاهرام.

انا ميال للGuilia عشان قعدتها واطية و انا بكره القعدات العالية بحب ابقى جزء من الطريق و بحب الطارة تبقى موجهة نحوي و انا سايق بس طبعا بقول سكودا و تيبو بيتبهدلوا في شوارعنا و دول من اعلى العربيات عندنا ما بالك الجوليا. ولا اجيب Stelvio عشان عالية بس قعدتها مش ممتعة بالنسبة لي و شكلها مش عاجبني اوي و كمان غالية جدا عليا و اخري الجوليا ال Veloce. افيدونا يا شباب. شكرا مقدما.