رينو كادجار 2017 للبيع القاهرة

🚨 للبيع رينو كادجار 2017 – الفئة الثالثة بانوراما 🚨 • 🚗 العربية: لو لفيت مصر كلها هتلاقي زيها عادي… هي مش بوغاتي يعني، ولا قناع توت عنخ آمون. هي حالتها كويسة … مش أكتر 🤷‍♂️ • 🔢 العداد: 176 ألف كم. بس صدقني… العداد مجرد رقم و المهم الحاله ، ونادية الجندي خير مثال 😉 • 🛞 الاستبن: نزل الأرض عادي جدًا، وعملت بيه حوالي 300 كم وأنا راجع من سفر. يعني الاستبن مش متحفظ في المتحف ولا حاجة 🥱 • ✈️ الموتور: شركة Boeing كانت عايزة تشتريه مني تحطه في طيارة، بس أنا قلت الطيب أحسن وخلي الناس توصل بيوتها 🤭 والحقيقة إن الموتور حالته ممتازة. • ⚙️ الفتيس: جديد بالكامل، عامل حوالي 7,000 كم فقط. مش "متصلح"، ومش "متظبط"، ومش "اتفتح واتقفل"… جديد. • 🔧 الكلاتشات الخارجية: جديدة. • 🛠️ العفشة: متجددة بالكامل، عدا مساعد أمامي شمال مغيرتوش… أهو كيفي كده 🤨😂 • 🎨 البودي: فابريكا بالكامل، عدا الإكصدام الأمامي. مصر كلها عربياتها كده… بس الفرق إن دي فعلًا عربيتي 😎 • 🌇 الفئة: الثالثة – بانوراما. فئة سايس بارك 😂 يعني بسيب المفتاح للسايس يركنها… عشان مفيهاش Auto Park. • ✨ الكماليات: فيها كماليات محترمة جدًا ومش موجودة في عربيات كوري كتير إلا في الفئات اللي بتبدأ أسعارها من أرقام تخليك تبيع كليتك و فص كبد وتكمل عليهم 😂 • ❄️ التكييف: بلبس لحاف وأنا داخل العربية من كتر البرد… وربنا يسامحنا على الكدب ده. 😂 • 💰 المصاريف: العربية مصروف عليها فلوس… مش أصول. قولت للميكانيكي: "هديك أصول"، قالي: "أعملك حركة مش كويسة؟" السافل 🫠 • 👨‍🔧 الاستخدام: عربية استخدام مهندس مش طبيب… وهو شيء لو تعملون عظيم 😅 و نيجي بقي للجملة اللي بتخلي أي عربية تتباع هوا: ربنا يبارك لصاحب النصيب ❤️ 📍 المعاينة: مصر الجديدة أو زهراء المعادي حسب التواجد. 💰 السعر: 700,000 بلبل. مش انبوكس Public & No Feeling. و مفيش جنيه زيادة هيخرج من خزنة الوزارة 😂 و الله الموفق و المستعان و السلام عليكم و رحمة الله و بركاته