نيسان صنى للبيع المقطم

اعلان بيع عربية نيسان
يرجى قراءة الإعلان جيدا لوجود كافة التفاصيل
نيسان صني ، الفئة الثالثة (اعلى فئة) موديل 2018
الحالة : فابريكة بالكامل, كما تم إستلمها من المصنع
اللون: أسود والفرش بيج
الكيلومترات : 61 الف كيلو حتى تاريخ كتابة الإعلان
الصيانات : جميع الصيانات في التوكيل وجميع قطع الغيار أصلية بما فيها تيل الفرامل وجميع القطع الإستهلاكية, ما عدى فلتر التكييف للأمانة , وبعد الخروج من الضمان , الصيانات في المراكز المعتمدة (زي الأمين أوتوسيرفيس) والصيانات في فترة الضمان تمت في نيسان أيجيبت (جوزيف تيتو ) ونيسان السبع ( القطامية) بالفواتير والختم.
المالك: مالك أول وتم الشراء من التوكيل وقتها وجميع الأوراق بإسم المالك من نيسان إيجيبت – جوزيف تيتو.
المرور: القاهرة – المقطم
الرخصة: سارية حتى 31.5.2024
مواصفات إضافية :
1- فرش جلد الماني من عدة أشهر من جينز كار بضمان ممتد والجلد بارز مخرم (بيكون أعلى فئة في التفصيل) وكنت قبلها مركب كسوة عادية فوق الكراسي بأكياس المصنع.
2- مكن رفع زجاج (تم تركيبه في التوكيل)
3- طقم ليدات فوق الشبورة ( تم تركيبه في التوكيل)
4- الكشافات بإضائة ليد ( تغيير اللمض فقط)
5- دواسات أصلية وتحتها دواسات 3D
6- شاشة عرض اندرويد يمكن التحكم بيه من الطارة (ومعايا الاصلي بتاعها) يدعم الرد على المكالمات.
7- يمكن فتح شنطة العربية من خلال زر خلف المراية. (وده تعديل تم من خلالي).
8- العربية جاي معاها مفتاحين بصمة .
الحالة العامة :
1- العربية ممتازة بدون أي مشاكل, يوجد تطبيقة في الباب الخلفي يمين من تحت, عايز أعملها شفط , بس مافضيتش للأمانة , وديه الحاجة الوحيدة إللي موجودة في العربية في الصاج وغير مؤثرة لا على الشكل ولا فتح الباب ولا حتضايقك وممكن تاخد بالك منها في الصور. يوجد بعض الخرابيش البسيطة جدا عاملها بقلم دوكو ومعتقدش إنك حتاخد بالك منها أصلا لو أنا مقولتلكش عليها.
2- التكييف تلاجة , ومفيش فيه أي مشاكل , بس آخر صيف الفريون كان نقص , وتم تزويده وده للأمانة فقط.
3- الكاوتش بتاع الفابريكة , اعتقد إنه قد يحتاج للتغيير.
4- الإستنبن لم يتم إستخدامه ولا مرة واحدة , لإستخدامي لكوبريسور.
5- آخر صيانة أتعملت كانت على ال55 الف تقريبا في الأمين أوتوسيرفيس مدينة نصر , وكان قالي إن جلب المقصات قد تحتاج لتغيير بعد 10 آلاف كيلو , وقالي إنها مش محتاجة تتغير دلوقتي. وتم تغيير تيل الفرامل الأصلي ب2600 جنيه (وممشيش إلا 6000 كيلو تقريبا)
6- العربية بتتحرك داخل التجمع ,اكتوبر والمقطم فقط , ومركونة في جراج مغطى وده حيبان من حالة الدهان الممتاز بتاع العربية مقارنة بمثيلاتها , مع ملاحظة أنه يتم غسلها فقط بالمياه ( ماتحطش عليها فوطة زفرة من أول ما أستلمتها ).
كل ما سبق هوا إللي في العربية , يعني لا حتلاقي فانوس متغير أو مشروخ أو الباغة متغيرة أو في أصفرار أو تهالك أو لمبة حتى محروقة , او حاجة متغيرة بلون العربية , أو حاجة مردودة على البارد أو خبطة من تحت أو كلبس مكسور أو حاجة بتنقط أو حاجة أتغيرت في العربية بأي شكل الا القطع الإستهلاكية الأصلية في الصيانات الدورية فقط.
فأتمنى من أي حد جاي يشوفها, يكون قرأ الإعلان جيدا لأن فيه كل التفاصيل , وممكن فحصها في أي مكان داخل نطاق القاهرة (التجمع – مدينة نصر – المقطم ) أو في مراكز معتمدة حتى يطمئن قلبك. (ولكن حسب ظروف وقتي فقط)
السعر : 660 الف جنيه.
المعاينة في المقطم الهضبة العليا أو عند نادي الصيد القطامية بعد الساعة الخامسة , وجمعة وسبت طوال اليوم.