مازدا 323 1983 للبيع العاشر من رمضان

عربيه مازدا 323 موديل 1983 فتيس مانيوال خمس سرعات 1300cc، عربيه ياباني محترمه جدا وعمليه وكانت نازله للجيش اصلا والي عارفها عارف الكلام دا، الزجاج الأمامي رفع كهربا، اقتصاديه جدا في البنزين بتفولها وتنساها، مش بتشتكي من اي حاجه وبتعيش معاك بالسنين من غير ما تغيرلها مسمار، قطع غيارها متوفره، العربيه بفضل الله فبريكا دواخل مفهاش ولا كلمه العربيه كانت استغدام بيتي ولله كل حاجه فيها سليمه وزي الفل مش محتاجه خمسه جنيه مصروف حتي، كوتشات كلها جديده وحاله 80% مفهاش خربوش حتي، ماتور حاله 90% مفهوش الهوا العربيه بتطير وصوتو ناعم وعشره علي عشره، فتيس حاله ممتازه ولا كلمه، صالون 75% كويس، حاله الكهربا والعداد تمام مفهاش اي مشاكل، اركب وسافر علي طول بدون ولا جنيه، بيتعملها كل الصيانات بشكل دوري وبيتغيرلها زيت بشكل منتظم قبل ما يخلص وقتو بكتير، لسه مغيرلها كل الزيوت ماتور وفتيس وفرامل، مفهاش بارومه ولا قطع ولا لحم ولا اي حاجه من الكلام دا خالص، فيها رخصه سنه ونص، راشه من الخارج فقط نضافه ومش راشه جوا، العربيه بفضل الله حاله نادره وربنا يبارك لصاحب النصيب. متاح البدل بأوتوماتيك حاله كويسه بس فرق السعر ميكنش كبير اوي.