هيونداي اكسيل للبيع إمبابة

-للبيع من المالك مباشرة هيونداي اكسيل مانيوال موديل 98 لون احمر موتور 1500cc.. مكنة و فتيس حالتهم جيدة -باور و سنتر لوك و وحدة رفع وازاز كهرباء و فتح التانك و الشنطة من الداخل و مركبلها مرايات اكسنت تعديل ضم و اغلاق -دواخل سليمة و راشة برا بالكامل نضافة..سمكرة و بوية جداد -العفشة معظمها مغيره ع مدار السنة ونص اللي فاتوا مساعدين امامي و مساعدين خلفي و البطاحتين ومركبلها طقم شداد ابو مازن 8 قطع مخلي العربية ثابتة جدا -بطارية لسة جديدة بقالها 3 شهور و معاها الضمان.. والدينامو لسة متعمر و معموله صيانة كاملة -فردتين كاوتش جداد هانكوك بقالهم 3 شهور و الفردتين اللي ورا حالتهم جيدة -فرش الكراسي و الأرضية و الابواب مغيره بالكامل فرش جلد -مغير طرمبة المياه جديدة -معمول طقم سرفيس كامل من قريب متغير زيت و فلتر زيت و فلتر هواء و فلتر بنزين اصلي وسير الباور و سير الدينامو.. وسير الكاتينة فاضله 4000 كيلو الملاحظات اللي في العربية بكل امانة: -شرخ البطاحة الشهير في الاكسيل لكن الموضوع اتحل بشكل نهائى بعد تركيب شداد ابو مازن -حتة بارومة صغيرة ناحية كرسي السواق -النور الواطي بتاعها ضعيف -الردياتير محتاج يتغير ولكن يمشي حاله بالوضع الحالي تلت اربع شهور ممكن اكتر أو اقل حسب الاستخدام لو هيتزود مياه كل يومين تلاتة -العربية فيها تكييف لكن مش شغال و مفكرتش اشغله عشان مصاريف تصليحه غالية و التكييف في الاكسيل مش احسن حاجة مرور إمبابة والرخصة سارية لكن البيع بعقد مسجل فقط للتواصل م.احمد السعر 153000 قابل للتفاوض البسيط وبرجاء إحضار فني للمعاينة