إستشاره قانونيه

الموضوع بسيط خالص بتشوف العربية اول حاجة وتكشف عليها وبعدين بتتفقو على السعر وبعد كد بتجيب العقد الابتدائى وتتفق انت وهوة على معاد وتروح الشهر العقارى عشان تعمل توكيل بيع سيارة فى الاول متديش الفلوس كلها بتديلو عربون وبعد ما تستلم بتدقع بقيت المبلغ

تمام بس بردو خد بالك ليكون فى مخالفات لازم هو يدفعها عشان مش تلبسها انت تروح المرور وتشوف الرخصة عليها مخالفات ولا لا

شكرا للإهتمام والرد

هل فى فرق بين عمل توكيل أو عقد بيع نهائى فى الشهر العقارى ؟ والمصاريف كام تقريبا ؟
وأى شهر عقارى نروح له التابع له المشترى أم البائع ؟

استاذ / حسن حاول توضح نوع السيارة وموديل كام علشان اقدر أفيدك فى مصاريف العقد المسجل
خدمة الكشف على السيارة بالكامل وتقييم سعرها / المساعدة فى استخلاص اوراق السيارة
خالد السعودى
01222886657
01111821717

أ / خالد السعودى تشرفت جدا بردك عليا
وبإذن الله أنا هتواصل معاك إخر الشهر ده لما الفلوس تكون جاهزه معايا
وخصوصا إذا العربيه اللى أنا ناوى عليها تكون إتباعت

السياره اللى بتكلم عليها سايبا - تيبا 2014 كسر زيرو

ترجع بالسلامة ان شاء الله

السلام عليكم استاذ خالد
من فضلك عايز اعرف اهم الاوراق المفروض اطلع عليها من مالك السيارة عند شرئها بعد معاينتها طبعا....... وكمان عايز اعرف ايهما افضل نقل الملكية مباشرة أم عمل توكيل بذلك وهل هناك فرق بين الاجرائين ولكم جزيل الشكر............

رخصة السيارة باسمه او معاه توكيل اوعقد مسجل / تسلسل الملكية
لو الرخصة سارية هيدخل يبيع لسيادتك فى الشهر العقارى
لو الرخصة منتهية هايجيب شهادة بيانات موجهة للشهر العقارى لاجراء عملية البيع
بانسبة لنقل الملكية طبعا أفضل لان هتكون رخصة السيارة باسمك وانتهينا
موضوع التوكيل / الكل بيستسهل عمله لانه ب 10 جنيه / اما العقد المسجل فسعره اكثر من ذلك
لاتنسى شهادة ابراء الذمة ( المخالفات )