تم الوصول للحد الأقصي من الاستخدام , لزيادة الحد الأقصي برجاء التواصل مع فريق الدعم
اتصل بنا
العربية فيات تمبرا موديل 91 ايطالي
فبريكا دواخل و تم عمل الاتي فيها
عملنا عمرة كاملة مع تغيير عامود الكامات في وش السلندر
و العربية ممشيتش الف كيلو لحد النهاردة بعد العمرة
و محطوطلها زيت الماني wolf 10w40 مع الي بيسموه فياجرا السيارات ezi extra power lube و ما شاء الله عليهم هما الاتنين
العربية ماشية لحد النهاردة اقل من 150 الف كيلو بحاجة بسيطة
كبالن امامي جداد
مقصات امامي استيراد
دسك و اسطوانة و بلية جداد
اتياش فتيس جداد
كاربيراتير شغال فيه كل حاجة السخان و فاكيوم التعلية و كله
العربية كانت هاف انجكشن و اتقلبت كاربيراتير عاده
بس كل قطع الغيار القديمة موجودة لو حبينا نرجع تاني للهاف في اي وقت
اسبيراتير الكتروني جديد لسا مركبش
موبينة جديدة و اتنين مشط الفبريكة بتاعها اسمه ديجيبلكس شغال عادي
و العربية فيها بردو اسبيراتير عاده ابلاتين و كوندنسر احتياطي راكب و فيه اسبيراتير الكتروني تاني شارينه مركبش موجود احتياطي
يعني لحد دلوقتي العربية فيها 3 اسبيراتير
الاكتروني حاليا بندرس ازاي نشغله علي اكتوفير الموتوسيكل كبديل كما للامشاط الي موجودة
ترموستات كوعة جديد
طرمبة مية جديدة
العدادات كلها معمولها صيانة و تعديل اضاءة
و التابلوه لسا متغير بخامة محملة من الهندسيى للفيبر جلاس
العربية فيها جنوط مش طاسات و حالة الكاوتش حوالي 80%
العربية مرور مدينة السلام القاهرة فيها فحص لحد شهر 8 2026 و رخصة لحد شهر 8 2026
الرخصة باسمي مفيش توكيلات
الفتيس ناعم جدا و العربية سحبها ما شاء الله
العربية استخدام شخصي و كل شهر اما بيكون معايا فلوس مببخلش عليها نهائي
للعلم انا مهندس ميكاترونكس و كل اسبوع بنزل بنفسي حسب الكتالوجات بتاعتها ارجع حاجة حاجة علي وضع الفبريكة عشان مبحبش انا اسمع صوت في حاجة ولا احس ان فيه عطل هيحصل اصلا لان الوقاية خير من العلاج
العربية فيها كاسيت بلوتوث و طقم سماعات بس مش احسن حاجة
طبعا متغير ليها جميع الزيوت و الفلاتر و السيور و البوجيهات طقم سيرفيس محترم
العربية الاتنين ازاز كهربا الي ادام شغالين مفيهمش حاجة
و فيها سنتر لوك و انذار و باور
معاها مفتاحين بريموتين
و طبعا الي هيشتري هياخد قطع غيار بتاعتها
زي مثلا سلك دبرياش جديد لسا مركبش
القصة بس اني بدات ازهق من المانيوال شوية و قلت اجرب الاوتوماتيك
و فيه حاجات عملناها في العربية كمان بس مش متذكر حاليا
و طبعا العربية انا بحبها جدا و كل ميعدي شهر هصرف عليها كمان و كمان لانها ركوبة قمراية جدا
موضح في الصور كل حاجة فيها و متصور فيديوهات ليها في كل حاجة
عندك فيديو ليها و هيا في الشتاء بتدور ازاي الصبح و موضح فيه فاكيوم التعلية و هو شغال و وهو بيفصل
عندك فيديو فيه الموتور من جوا صوته و كل حاجة تخصه
عندك فيديو بيوريك الصالون و فيديو يوريك الشنطة
و فيديو مبين كل حاجة في التابلوه
عندك فيديو فيه السنتر و الكاسيت و الانذار
و اخيرا عندك فيديو موضح فيه اداء العربية في السفر من اسكندرية للقاهرة في الفجر التلج ترموستات الكوعة قايمة بالواجب العربية حرارتها بتوصل 90 و تقف متعديش و ترجع تاني موضح سريعة العربية و الrpm عشان محدش يقول اني جايب اخر الدواسة لا العربية لسا فيها بس انا حقيقي خايف اسرع عن كدة لاني لسا سواق جديد
مع اعللم ان العربية كانت محملة 5 افراد غير الشنط
البيع بعقد مسجل
و رقم تليفوني
سعرها 155 الف قابل للتفاوض البسيط جدا بعض المعاينة فضلا محدش يتصل بيا و يقولي اخرها كام لان اخرها في التليفون 155
و السعر قابل للزيادة لاني هفضل اشد و اشد فيها كل ما يعدي الوقت
شايف ان سعرها مبالغ فيه عادي ولا كانك شوفت البوست انا بحب العربية جدا و مش مستعجل علي بيعها نهائي
الفيديوهات :
1- السنتر و الانذار
https://youtu.be/INWM6irFYUY
2- التابلوه
https://youtu.be/RAFyAynLLwk
3- الشنطة و الشكمان الي بيعرق ميه
https://youtu.be/3CFybdNkJIU
4- الموتور
https://youtu.be/PNt_J4mTahA
5- الصالون
https://youtu.be/MAnAa2OzsY4
6- دوارة الصبح مع فاكيوم التعلية
https://youtu.be/VL9MDjEMTkA
7- اداء العربية في السفر
https://youtu.be/B0rSqBkB09g
155,000 جنيه
155,000 جنيه
155,000 جنيه
155,000 جنيه
155,000 جنيه
155,000 جنيه
إشترك في خدمة أخبار السيارات
